കുഞ്ഞായിരിക്കുമ്പോൾ നാം കേൾക്കുന്ന കാര്യങ്ങളും അതിനെക്കുറിച്ചുള്ള ഓർമ്മകളും വാസ്തവത്തെക്കാൾ നിറം വച്ചതായിരിക്കും , ചെറിയ മഴവെള്ളക്കെട്ടിനെ നദിയെന്ന് വിളിക്കും , കുടിലിനെ വലിയ തറവാടാക്കും , അമ്മ ഉണ്ടാക്കുന്ന ഭക്ഷണമാണ് ഏറ്റവും രുചി ,അച്ഛനാണ് ഏറ്റവും ശക്തിമാൻ അങ്ങനെ പോകുന്നു… വലുതാവുമ്പോൾ യാഥാർത്ഥ്യം തിരിച്ചറിയുമെങ്കിലും പഴയ നിറം വച്ച ഓർമ്മകൾ തന്നെയായിരിക്കും നമുക്കിഷ്ടം .
അത് പോലെ തന്നെയാണ് നമ്മുടെ മത വിശ്വാസങ്ങളും , പണ്ട് മുതലേ പറഞ്ഞതും വിശ്വസിച്ചതും വാസ്തവമല്ല എന്ന് മനസ്സിലായാലും പഴയത് തന്നെ പറയാനാണ് ഇഷ്ടം .
നമ്മുടെ ഇഷ്ടങ്ങൾ കൊണ്ട് കേരള ചരിത്രത്തെ പോലും തിരുത്തി പറയാൻ നമുക്ക് മടിയില്ല .
ചില ഉദാഹരങ്ങൾ നോക്കാം
ഞങ്ങടെ പൂർ വ്വന്മാർ അപ്പോസ്തോലനായ തോമസ് കേരളത്തിൽ വന്നപ്പോൾ സുവിശേഷം കേട്ട് മതം മാറിയ “നമ്പൂതിരികൾ” ആണ് .
- തോമസ് കേരളത്തിൽ വന്നു എന്നത് തന്നെ ഇന്നും ഒരു തർക്ക വിഷയമാണ് .
- ചരിത്രം പഠിക്കുമ്പോൾ മനസ്സിലാകും തോമസ് വന്നു എന്ന് പറയപ്പെടുന്ന കാലത്ത്, 2000 വർഷങ്ങൾക്കു മുൻപ് നമ്മുടെ നാട്ടിൽ ബ്രാഹ്മണരും നമ്പൂതിരികളും ഇല്ല , ഏഴാം നൂറ്റാണ്ടിലാണ് നമ്പൂതിരികൾ നമ്മുടെ നാട്ടിൽ എത്തുന്നത്.
മഹാബലി കേരളത്തിൽ എല്ലാക്കൊല്ലവും വരുന്നുണ്ടെന്നെന്നു വിശ്വസിക്കാൻ ഇഷ്ടം , ക്രിസ്മസ് അപ്പൂപ്പൻ എല്ലാക്കൊല്ലവും സമ്മാനവും ആയി വരുന്നുണ്ടെന്നു കുട്ടികളെ പറഞ്ഞു വിശ്വസിപ്പിക്കാൻ ഇഷ്ടം …..അങ്ങനെ ഇല്ലാത്ത പലതും ഒരു കുഴപ്പവും ഇല്ലാതെ വിശ്വസിക്കുക മാത്രമല്ല , വലിയ ലഹളകൾ ഉണ്ടാക്കാനും തയ്യാറാണ് നമ്മൾ ..
എന്റെ ഉപ്പുപ്പാക്ക് ഒരു ആന ഉണ്ടായിരുന്നു എന്ന് പറയും പോലെ .
മതമായാലും , രാഷ്ടീയം ആയാലും ഞാൻ വിശ്വസിച്ചത് തെറ്റാണ് എന്ന് സമ്മതിക്കുമ്പോൾ ആണ് മറ്റൊന്ന് സ്വീകരിക്കാൻ തയ്യാറാകുന്നത് ,പക്ഷെ ക്രിസ്ത്യാനികൾ മാത്രം ഞങ്ങൾ കളഞ്ഞത് നല്ലതായിരുന്നു എന്ന് നിലവിളിക്കുന്നു .
തുടരും ….